« غداً اول ايام رمضان ميكي ماوس قد يكون متورطاً في أحداث سبتمبر !! »

هذا ما حدث في أول أيام رمضان في الرياض

 

كنا محظوظين هذا العام في السعودية وخصوصاً ساكني مدينة الرياض لتوافق اليوم الوطني مع أول أيام شهر رمضان المبارك ، ومكمن هذا الحظ هو أننا قد افتكينا من غث  الزحام الخانق الذي يميز العاصمة الرياض وخصوصاً في الفترة الصباحية وعند الخروج من العمل والمدارس ( اليوم الوطني إجازه رسمية )  لأن من يرى الرياض في هاتين الفترتين يخيل له انه يسير في احد شوارع القاهرة او نيودلهي بل ان الاخيرتين ارحم مننا من حيث توفر وسائل النقل العامة والتي تفتقر لها الرياض وبقية مدن المملكة وبامتياز !! ولو قدر لك وعشت العشر سنوات القادمة فسترى الرياض وقد تحولت لاكبر كراج سيارات على وجهه الارض !! نعم لا تستغرب هذه هي الحقيقة .. العاصمة تعج بانواع السيارات ومن جميع الموديلات ومن كافة الانواع من الكوري الى الالماني وبينهما لكزس وبناتها الكامريات :mrgreen: وعد واغلط .. الاب لديه سيارة والابناء على اختلاف اعمارهم لديهم سيارات ولو عملنا احصائية بسيطة لوجدنا امام كل بيت ما لا يقل عن ثلاث سيارات .. وعلى فكرة لا يتصور احد ان هذا دليل على الثراء الفاحش لدى الشعب لا سمح الله !! لكنه الواقع المؤلم وغير المنظم والذي ُاجبرنا عليه لعدم توفر وسائل النقل العامة داخل المدن الكبرى كالرياض مثلاً وهي العاصمة ، وانه لمن المعيب حقاً أن تكون دول أقل منا قدرات مالية لديها من وسائل النقل العامة ما يفوق مالدينا .. ما لدينا !!؟ وش لدينا أصلاً .. ولا يجي احد ويقول لي ان اللموزينات اللي مسببة نص الزحمة في شوارعنا هي احد وسائل النقل العامة … أذبحه واتوطا في بطنه  .. أحنا للاسف صفر على الشمال في هالنوع من الخدمات وهذا ما يسبب موجة الزحام تلك والتي تزداد يوم عن يوم .. لا ويبغون الحريم يسوقون بعد !! هذا اللي ناقصنا .. يعني بدل ما يكون في الرياض حوالي مليون ونص سياره ومسويه هالمأساة هذي نقلبها ثلاثة ملايين ويادار ما دخلك شر ! لكن انا متأكد ان النساء في الرياض أعقل من أنهم يخوضون تجربة السواقه … صح يا حريم ولا لا ؟ .. أنا وش دخلني في سواقة الحريم الحين .. الهم اني صايم .. نرجع لليوم الوطني اللي بسببه افتكينا من زحمة أول يوم من رمضان في شوارع الرياض لكنه بالتأكيد سيذهب وستبقى الزحمة شاهداً على مدى التقدم والتطور الذي شهدته شوارعنا وسعها الله بمنه وكرمه .. ودمتم بود 

هذا الموضوع كتب في الأحد, سبتمبر 24th, 2006 في الساعة 9:57 م في قسم محليات. يمكنك متابعة الردود على هذا الموضوع من خلال ملف الخلاصات RSS 2.0. تستطيع كتابة رد أو تعقيب من خلال موقعك.



عودة لبداية المدونة

21 ردود على “هذا ما حدث في أول أيام رمضان في الرياض”

  1. د سفيان قال:
    24 سبتمبر 2006 في الساعة 10:03 م

    الله أصبركم. ورمضان كريم على أهل الرياض. والسلام.

  2. NaWaF قال:
    25 سبتمبر 2006 في الساعة 2:04 ص

    ذكرتني بحوار داري بيني وبين أحد الرياضيين:D
    سألته ليه ما تحطون سب وي ولا باصات ((== غير خط البلده .. ذا باص استغفر الله :P
    بدال هالمتاهات اللي يسمونها شوارع :P

    صح راح يكون مكلف .. بس الرياض في تنامي سكاني مهوول !!

    تخيلوا واحد ساكن في جنوب الرياض ((== اللي تسمونه شكمان الراياض :P
    وشغله في الشرق ولا الشمال ..
    هذي من الأسباب اللي تخلي شارع عام مثل الدايري الشرقي يتقفل كلياً من الزحمه !! واللي شغله يبدا الساعه ثمان لازم يطلع من بيته سبع الا ربع :P

    تحياتي ^_^

  3. SaudiGeek قال:
    25 سبتمبر 2006 في الساعة 12:39 م

    عملي السابق كان يبعد عن بيتنا 65 كلم :) .
    يعني ذهاب ورجعة من العمل أقطع 130 كلم .

  4. مصعب قال:
    25 سبتمبر 2006 في الساعة 1:50 م

    الفرحة لم تكتمل ..

    زحمة الصباح تحولت إلى الفترة المسائية .. ولا تسل عن حال طريق العليا يومها!

  5. نجدي محايد قال:
    25 سبتمبر 2006 في الساعة 3:34 م

    ما أقدر أزيد على كلام مصعب .. الزحمة اللي ترفع الضغط صارت بالليل بدال ما هي بالصباح :|
    لكن على الأقل الآن الصباح الشوارع صارت ما عليها .. على طاري سواقة الحريم .. ما ودي أدخل في تفاصيل هذه القضية الشائكة وأنا صايم :P .. لكني أقدر أقول شي واحد .. هو ان اذا ساقوا الحريم فعدد السيارات راح يتضاعف .. لأن اللي ببيتهم سواق ما راح يمشونه بكل بساطة راح يكون للحرمة سيارتها غير سيارة السوق غير سيارة البنت وهلم جراً .. واللي عاش في الكويت فترة راح يوافق على هالكلام .. الله يصبرنا بس على هالزحام

  6. layal قال:
    25 سبتمبر 2006 في الساعة 8:00 م

    الصيام لاعب دور في الكلام يا محمد :-)
    بخصوص وسائل النقل العام -تعتقد في حد بيترك سيارته ويركب المواصلات العامه ؟؟
    حتي لو الدوله وفرتها -بالنسبه للخليج المواصلات والنقل العام يعتبرونه للفقراء والسيارات وسيله مواصلات ومظهر بنفس الوقت وكلمن يمد ريله علي قد لحافه
    احنا مو في اليابان ولا بريطانيا اللي الكل يستخدم وسائل المواصلات العامه
    وهذي ضريبه المدنيه والمظاهر بنفس الوقت

  7. محمد قال:
    26 سبتمبر 2006 في الساعة 12:05 ص

    د سفيان
    هلا بك
    رمضان كريم عليكم وشكرا على المرور

    NaWaF
    هلا بك
    والله فضيحة علينا هالباصات اللي تلف شوارع الرياض .. محد مستفيد منها وتعتبر عاله على الشوارع هي والموزينات .. والله الرياض يبغالها شغل جامد اوي .. ولا بنروح بعد كم سنه كتشب :mrgreen:

    SaudiGeek
    هلا بك
    يعني اعتبر ذا لغز وتبغاني احدد بالضبط وينك ساكن ويين تشتغل .. امممم ..
    على العموم لا تشكيلي فابكيلك .. الحال من بعضه ونا اخوك

    مصعب
    هلا بك
    وانت الصادق لا صبح ولا مسى .. الرياض صار حوسه وبربسه
    لكن يمكن زحمة المسى اهون بسبب البراد .. لمن زحمة الصبح والظهر .. الله لا يوريك عالم آخر . الله يجيب المطر

    نجدي محايد
    هلا بك
    الله يهديك يا فيصل لا عاد تجيب طاري سواقة الحريم ( يا خي لا تذكرهم ) .. كفايه سواقة الرجاجيل اللي مسببه لنا صداع يومي ..

    layal
    هلا بك
    المصيبه اني كتبت هالكلام بعد الفطور :mrgreen:
    انا اقول نعم فيه من بيترك سيارته اذا وجد ان النقل العام اسرع واكثر اماناً وتوفير بعد .. وانا اقول يا ليال ان التمظهر شوي قل وما عاد هو المسيطر على الناس .. خلاص دولنا شبه انتقلت او ستنتقل الى المرحله العمليه وستكون المظاهر غير مهمه كما يحدث في الغرب .. المهم ان تنجز عملك باي وسيله وما راح احد يطالعلك وسيقل الفضول عند الناس !! ممكن اكون غلطان لكن هذا اللي اشوفه

  8. منال قال:
    26 سبتمبر 2006 في الساعة 11:47 م

    الشهر عليك مبارك محمد

  9. محمد قال:
    27 سبتمبر 2006 في الساعة 8:15 م

    منال
    هلا بك
    وكل علم وانت بخير وشهر مبارك عليك

  10. عبدالله السلطان قال:
    05 أكتوبر 2006 في الساعة 12:58 ص

    ولاتهون مدينة جده الي صارت شوارعها وزحمتها تجيب كل انواع الامراض …. ما ادري الخلل من تخطيط المدن الي ما حسب ولا حط في باله زيادة عدد السكان و المركبات المستقبيله
    اقسم بالله ان الوضع تجاوز الحد المعقول ولا بد من وقفه جديه من المسؤلين
    والله المستعان

  11. مفتاح14 قال:
    05 أكتوبر 2006 في الساعة 7:12 ص

    انت تعرف الاشكاليه فين

    الاشكاليه ماهي ليه مايسوون او يخططون او يفكرون

    الدوله بتحط يووووووووووووووه مليارات

    بس بين طرح المشروع والجهه المنفده بيطير منها كثيييييييييييييييييييييييييييييييييييييييييييييييييييييييييييييييير

    ثم التخطيط والنظره المستقبليه …. معدوووووووووووووووووووووووووووووووووووووومه

    والدليل جده

    امبن جده سمح بزيادة دور في العماير

    وزيادة فله بدل الملحق

    ونسي ان هدا الشي رايح يزيد عدد سكان العماره

    بدل اربع عوايل بيصيرون سته وكل بيت به سياره ( كحد ادنى )

    وجده فيها مليون عماره ( مثال )

    وكل عماره فيها اربع شقق باربع سيارات يعني

    4 سارات في 1000000عماره=4000000ساره تمشي في شوارعه

    وبعد النظامالجديد

    6سيارات في 1000000عماره = 6000000 سياره في نفس الشوارع

    يعني زياده بنسبة الثلث

    ولا تنسى المدارس الكثيييييييييييييييير الى فاضيه مافيها طلبه

    والمستشفيات الي اكثثثثثثثثثثثثثثثثثر من المرضى

    وووو

    وووو

    عيب التخطيط عندنا نظرته يوميه على مد بصر المخططين بس مافيه لبكره اي نظره

    ودمممممممممممممممممممممممممممممممممممتم
    هدي نظرتي للموضوع

  12. romario قال:
    23 أكتوبر 2006 في الساعة 6:35 م

    http://www.howa.fr

  13. full pair is always coolblooded corner قال:
    30 أكتوبر 2006 في الساعة 4:52 م

    Cool site! I’ll be back. bad soldier double or not

  14. standard tournament becomes white grass in final قال:
    30 أكتوبر 2006 في الساعة 4:57 م

    It’s the first time i ran through your site and I found it very informative and interesting. Nicely done! green is feature of astonishing pair: http://www.alternet.org/movies/21352 when grass loose chips increase, forecast circle is very good slot

  15. greedy is feature of memorizing cosmos قال:
    30 أكتوبر 2006 في الساعة 4:58 م

    It’s a very nice website you’re having here. greedy gnome make or not

  16. احمد قال:
    11 سبتمبر 2007 في الساعة 8:27 م

    السلام عليكم انا احمدمن العراق اريد اعرف اول ايام رمضان في اي يوم يكولون الاربعاء اكتب الرد

  17. احمد قال:
    11 سبتمبر 2007 في الساعة 8:29 م

    اشو محد ردلي

  18. تجارة العملات قال:
    22 أكتوبر 2007 في الساعة 12:19 م

    رمضان كريم على أهل الرياض. والسلام

  19. 3rbsc.com قال:
    13 مايو 2008 في الساعة 7:59 م

    لمن يبحث عن الفائدة والمعلومة المفيدة
    http://www.3rbsc.com/vb/

    بالتوفيق

  20. رافع العريقي قال:
    19 مايو 2008 في الساعة 12:40 م

    رمضان كريم واهل اليمن بالف خير .

  21. ضوء الحقيقه قال:
    09 يوليو 2008 في الساعة 7:34 م

    اسعد الله ايامك وجعل ذلك فى ميزان حسناتك

أكتب رداً: